歎息橋

大家有無睇《歎息橋》呢？

我覺得呢套劇呈現嘅就係後現代主義所講，呢個世界無真相，因為唔同人以唔同嘅point of view去睇事實就已經唔係客觀嘅真相。暫時播出左3集都係一集以一個角色嘅第一身去敍事，每個角色嘅版本都有少少出入，同埋有獨白講番內心感受。然後睇完就會覺得其實每個人都有佢嘅缺點同陰暗面，每個人都唔抵幫。係慢性悲劇，每個人係受害者亦係加害者，因為每個人都有份造成咁嘅局面，亦有份令自己陷入咁嘅局面。

唔知隨著劇情發展會唔會有轉機或者有出口俾各人走出困局呢？