Dior Maison de Parfum Exhibition

雖然今年法國五月並沒有以香氛為展覽主題，但法國品牌Dior 於IFC商場舉辦了一連五日的「Maison de Parfum」香氛展覽。主要展示兩大皇牌香氛「Miss Dior」及「J’adore」的「味」力，並請來法國工匠即席示範密封香氛瓶的工序。

Christian Dior先生對香氛的重視絕不次於時裝，他認為對香氣的記憶是最持久的。他在1947年推出革命性的時裝「The New Look」系列，便首創以香氛配時裝，推出「Miss Dior」香氛為「The New Look」錦上添花。同時亦將時裝元素放諸香氛瓶，瓶頸繫上匕首結(dagger bow，即單邊蝴蝶結)，瓶底千鳥格圖案，可見時裝與香氛絲絲入扣的緊密關係。至於「J’adore」，8字形瓶身正是「The New Look」的修腰特徵。由工匠吹製的流線形玻璃瓶，瓶頸綑上金鏈條，工藝可媲美Dior的珠寶系列。

在場購買任何香氛滿＄1000，可獲雕刻師為香氛瓶上刻字，Miss Dior 配銀色刻字；J’adore配金色刻字，甚具紀念價值。

編號no. 1的特別版J’adore，用人手將鑽石逐粒鑲在金鏈，玻璃樽由工匠吹製，每樽都獨一無二。

天書

圖片來源：天機公關

「芭莎藝術之夜Bazaar Art Night 2014」，昨晚於香港四季酒店舉行。有無留意到嘉賓身後果啲似係中文但又睇唔明嘅字呢？其實係藝術家徐冰所創嘅「天書」，將英文字以模仿中文方塊字嘅特徵寫出黎。最高第一個字係HONG，之後係KONG，BaZAaR，ARt，NIGHT。唔知大家對呢種書法有咩評價呢？

Le French May: Essential Accessories of The Little Black Dress

每年五月，總會感覺到陣陣法國氣息，不經意地滲透在城市的角落，因為一年一度的「法國五月」又到了。繼「香水傳奇」及「妝頌- 十八世紀至今護膚美容的藝術」展覽之後，今次由小黑裙領軍，率領著帽子、珠寶、手套、手袋、絲襪、鞋履及香水等配飾列陣，溫柔地征服每個女性的心。

引用現今網絡術語，小黑裙可說是「萬能key」，無論日常或隆重，喜慶或喪禮等大小場合都很得體。一裙走天涯，配飾則可以為小黑裙錦上添花。你或許會疑惑，香水看不見觸不到，為何都算是配飾的一種呢？世紀尤物瑪麗蓮夢露曾被問及睡覺時穿甚麼「What do you wear to bed?」，由於她不想直接答裸睡，所以答「Five drops of Chanel No. 5.」。在中文，我們會對香水用上「搽」這個動詞，而英文則是用「wear a perfume」，猶如把香氣穿上身一樣，可見西方文化對香水的重視，所以香水絕對算得上是小黑裙的配飾之一。而法國歷史悠久的香水品牌Guerlain，更以小黑裙為概念調製出小黑裙淡香水(La Petite Robe Noire）。足以證明時裝與香水的密切關係。

Coldplay 《Magic》MV 之延伸

見到903DJ梁文禮post左 Coldplay 《Magic》MV 條link就click黎睇下。MV女主角係章子怡，飾演一個女魔術師，長期受制於比佢出名又酗酒嘅魔術師丈夫，終日對佢呼呼喝喝，甚至虐打佢。章子怡嘅助手睇唔過眼，終於有一日用戲法變走左個衰人。自此章子怡就成為獨當一面嘅魔術師，同助手一齊表演，happy ending。

最有趣嘅係MV模仿 Anna May Wong 果個年代嘅荷里活默片式拍攝風格。Anna May Wong（1905﹣1961），中文名黃柳霜，係第一位美籍華裔荷里活影星。果個舊金山年代嘅電影，華人總係被負面stereotype（evil Chinese），唐人街更加係龍蛇混雜嘅罪惡溫床，黃柳霜總係被定形為危險/冶豔/神祕/壞女人，莫講話做女主角喇。


"Why is it that the screen Chinese is always the villain? And so crude a villain – murderous, treacherous, a snake in the grass! We are not like that. How could we be, with a civilization that is so many times older than the West?" - Anna May Wong


點解我會識呢？讀書時有一科「China and the West」，係一個西人教嘅，上堂係咁睇呢啲陳年黑白片，同學通常轉得到都盡量轉走呢科，一係就係咁走堂，我無走堂但坐喺度悶到流晒眼水咁。講真以當時嘅年紀又邊度識欣賞吖，不過而家諗番都慶幸讀過呢一科嘅，唔係咁樣局你睇，我諗呢世都唔會接觸呢啲黑白殘片呀。


章子怡由《臥虎藏龍》於國際嶄露頭角，之後曾經俾人嘲笑英文差各樣各樣...... 漸漸到《一代宗師》備受肯定，相信今屆香港電影金像獎最佳女主角非宮二先生莫屬。


P.S. 睇完MV再去維基百科查看更多黃柳霜嘅事跡，發現佢有一套戲名為《愛比刀更利》Schmutziges Geld (aka Song and Show Life, 1928)，係一個有關雜技團飛刀手嘅愛情故事。咦個名咁熟嘅？潘源良寫俾林憶蓮唱嘅《赤裸的祕密》，其中一句歌詞「無奈我卻怕愛比刀鋒更利 ...」唔知有無關係呢？

《時裝．時刻》

呢排枕住去遭殃圖書館搵佢嘅書黎睇。由於可以借出嘅都俾人借晒唔輪到我，只有唔可以借出嘅參考圖書就永遠喺度，咁都好嘅，留喺圖書館睇可以專注啲。

圖書館對作者年份(1968-2014)都算update得快，人走左先黎閱讀佢嘅書，好似有啲遲。不過咁，時裝會過時，好嘅著作係歷久不衰嘅。

《時裝．時刻》非常之inspiring，it seems we were connected through this book，時裝都係次要，學到野之餘有時讀到一啲佢嘅經歷套落黎講我自身都好似好靈咁，而信奉new age 嘅佢早已煉成不以物喜不以己悲嘅化境。高人！我相信佢嘅離開係因為已經得道升仙或早登極落。

另外，佢都可以話係殖民地時代孕育嘅elite，閱讀佢嘅時刻可以舒緩置身現世嘅frustration。

救火英雄

場面有幾震撼，救火英雄有幾英勇，唔洗我多講。

喜歡故事脈絡有如火燒連環船般環環緊扣。

看似隔岸觀火嘅災難片，其實係你同我日常喺辦公室都會發生嘅事。

﹣中VS港

發電廠決策人萬先生（譚耀文飾）要求內地下屬楊琳（白冰飾）用廣東話跟他對話，下屬反叫他說好普通話，因為老闆是內地人。反影香港人媚大陸又仇大陸嘅複雜處境。

海洋（胡軍飾）是居港9年獲破格取錄為消防員的新移民，第一日報到時張文建（陳偉霆飾）誤認佢係上司，其實佢比吳浩康更似上司，年資亦足以做上級，因為「人離鄉賤」由普通消防員做起，若非《平等機會條例》差啲連老本行都做唔番。

（合拍片最突兀嘅就係唔合理地無啦啦出現講普通話嘅人或者聲音明顯經過配音處理嘅人。《救火英雄》喺角色塑造方面令普通話人出現得合理。）

﹣老鬼(培總) VS 新黎新豬肉(海洋）

﹣依規矩辦事VS執生

﹣管理層VS前線人員

﹣攬上身VS卸膊

同事係互相猜忌而又出生入死嘅兄弟，係上位嘅競爭對手又係一同共事嘅手足。

慶幸我們工作上嘅差池不至於會危及性命，或釀成大災難。