DeviantJade: 5月 2016

2016年5月31日星期二

Jackson：「我會搵個機會同佢講架喇，等多我一陣啦好嗎？ I promise.」
Diamond：「其實你知唔知乜野係promise?」

Source: http://www.loveanon.org/2011/09/theory-of-love-pt-2-sternbergs.html

心理學Triangular theory of love話愛情包括三個元素：Intimacy，Passion，Commitment。

Diamond 同 Jackson 嘅關係最欠缺嘅就係承諾。

或者初時都仲係有Intimacy有Passion嘅Romantic Love，

‪好比火星跟水星相戀有過燦爛影蹤‬

但而家恐怕只餘下Passion......

‪今天儘管可始終相擁眼裡卻沒溝通‬

（節錄陳奕迅《黑洞》歌詞）

Diamond雖然講到自己一個人行街幾咁寫意，但其實等緊自己所在乎嘅人約佢。畫面顯出獨對空櫈嘅寂莫。

茶餐廳撞過正著一幕，俾著係大台拍，肯肯定一手攞起枱面杯水就淋過去，搲爛塊面炒大鑊。

大衛同趙子龍不約而同揀番去平時聚腳嘅茶餐廳，明顯兩人都無諗過約會唔見得光而刻意避忌，而家輕輕掩飾就帶過，表面越無事其實越蘊藏暗湧，積積埋埋遲早爆煲。

林海峰嘅總結最畫龍點睛。

瑪嘉烈同趙子龍雖然無做啲咩越軌行為，但精神上已經出晒軌，因為心虛所以想為大衛做番啲野，即使只係煎隻蛋，起碼心靈上有啲救贖。

大衛同Diamond亦都無越軌行為，但始終係因為Diamond而放瑪嘉烈飛機(雖然佢都係被老點)，其實都唔想食Diamond餐飯，不過好好先生又唔好意思拒絕，所以返到屋企就算唔餓都想食啲野蓋過頭先餐飯嘅記憶。

不過有路係遲早嘅事，亦唔怪得邊個，畢竟一開始已經覺得瑪嘉烈同大衛根本就唔夾，瑪嘉烈吊兒啷噹，大衛安安份份。即係有次一對搭的士嘅男女乘客講嘅野咁，我只係鍾意你鍾意我囉，係好可悲。