還完淚就還字

一入場見到一個貨倉場景，台前擺放著十二對高踭鞋。古時十二金釵借代女人，今日係十二高踭？

十二金釵經常角色互換，因為並非代表十二種女性，而係十二種女性特質。每個人都潛藏住十二種特質，有時你會係林黛玉，有時你會係王熙鳳，有時係薛寶釵，有時係襲人，有時係晴雯，有時係湘雲，有時係迎春，探春，惜春…

好多時性格決定命運，尤其是女人好多時鍾意擺自己喺受害者個位度，自傷自憐。好難幫到你個喎，就算愛你嘅人都愛莫能助。

中文劇名《賈寶玉》係面果浸，英文名《Awakening》係底果浸。透過紅樓夢賈寶玉嘅故事帶出覺悟。

而家眼見好多人為口奔馳，做著非本性所願的事，生活營營役役，庸庸碌碌，面對不平事，卻敢怒不敢言，或已經馴化到只會淡淡然講句「係咁架啦」，甚至去參與壓迫其他人成為大氛圍嘅同類。餘下仍保存赤誠之心嘅人，厭倦現世，就選擇逃避，被貼上「一蟹不如一蟹」、「八九十後」、「反叛」、「不務正業」、「剛愎自用」等負面標籤。

「你為何話這純屬少年煩惱 不知我已經 絕望得比你早…」《少年維特》已有端倪。

而今次光明會教主俾我地嘅啟示係：喺亂世唔好逃避，要留低用勇氣面對。

《拋磚引玉》一曲派台時曾經懷疑點解首歌咁rock咁振奮，同紅樓夢賈寶玉等一概好唔match咁，現在終於悟了。

um…感覺到你行前左，恕我跟不上你的步伐了。都明白我地而家喺大觀園好難生存，如果你搵到適合你嘅土壤都想你離開呢度。分開，是為了再見。你即管出去滾啦，我地始終會喺番埋一齊嘅。