如果沒有你，Dior怎麼過~

「替補機制」由Bill Gaytten頂替John Galliano執掌帥印。

沒有Galliano的Dior是甚麼模樣呢？

Haute couture精煉手工係無容置疑，但今季望落好似係幾個系列嘅衫咁。

之前喺彼思動畫研討會聽過講者話 “story is the king”，幾好技術都好，故事先係最緊要，有theme先至係靈魂。時裝唔同服裝 (曾經同讀fashion design嘅朋友傾計，發覺佢地強調時裝同服裝嘅分別，服裝functional為主，著得上身嘅衫就係喇；而時裝係藝術，講求設計意念，有態度風格，有潮流嘅。) 一個品牌一季嘅collection都要有靈魂，而家就似乎魂魄唔齊咁。

一個組織架構制度係完善的話，唔會話無左邊個唔得架，但時裝界呢個咁講個性，咁主觀，咁藝術嘅行業，係好需要一個精神領袖。一間公司最高領導人走左，都仲可以正常運作，係！dior都仲可以繼續造衫，但係造出黎嘅衫夠唔夠格先？

有人形容haute couture係夕陽工業，重本，買得起嘅人又少，但都繼續做係因為對塑造品牌形象有好大作用，真係大show咁做，而John Galliano每次完show出黎鬼馬謝幕都係一個亮點，精神領袖果種charisma係無得轉讓或承繼的。

上次2011/12 fall winter就一班著實驗室袍嘅幕後功臣出黎謝幕，collectivism淡化individualism。(參看http://www.youtube.com/watch?v=64kqpgEwYYY)

(係呀，你估全部都係Galliano一個人做晒咩，大把人幫佢手，係teamwork，只係時裝界一直都好強調個人傳奇色彩姐。)

也許就正正缺乏一個壓得場嘅大佬出黎震住，連我呢啲旁觀者都出黎依牙鬆弶。