細個好鍾意睇加菲貓，而家睇番覺得佢講嘅嘢都幾社會學。
呢一集講士多無乜人幫襯，因為啲人去晒隔離新開果間超市(仲記得當年無線將超市嘅中文名譯做「食水深超級市場」，好貼切。)，而加菲嘅主人亦都俾大抽獎吸引左過去。
超市賣嘅嘢特別貴，而且專登將平嘢擺喺又高又難攞嘅位置，貴價貨擺喺就手嘅位置，又喺購物車嘅轆度做左手腳，令啲車好易側埋貨架果度，咁車上嘅小童就好易攞左貨架上啲嘢落架車度，唔覺意買多左嘢。
好在有加菲揭穿奸商嘅真面目，啲人又紛紛回歸幫襯番士多伯伯了。
原來Jim Davis 同小克一樣都係透過隻肥嘢黎講社會，一隻係加菲貓，一隻係聾貓。(笑~)
沒有留言:
張貼留言