《怪獸大學》——汰弱留強的學校制度

彼思動畫嘅成功之處係除左動畫做得細緻迫真之餘，故事亦寫得好有意思。《怪獸大學》係《怪獸公司》嘅前傳，講嘅就係學校汰弱留強嘅制度，大眼仔就係資質平庸但努力發奮圖強嘅學生，毛毛就係出身顯「嚇」世家，有優越嘅cultural capital而下下靠打天才波嘅學生。佢地嘅終極目標都係成為怪獸公司嘅驚嚇專員，要達到呢個目標(goal: successful career)，途徑就係喺頂尖嘅學府修讀(path: education)。可惜學校並唔係一個有教無類有嘅地方，而只係將精英提升得更好嘅地方。大眼仔同毛毛成為左被淘汰被睇唔起嘅一群。雖然係咁，佢地都無放棄，用左另類嘅途徑去肯定自己，喺學校嘅失敗唔代表一切，最後佢地加入怪獸公司由低做起，一步一步成功晉升為驚嚇專員。所以，星期一DSE放榜嘅同學仔唔洗咁緊張喎。

支持《低俗喜劇》

之前我寫過《春嬌與志明》係香港文化悍衛戰，其實彭浩翔差不多同期嘅另一胎《低俗喜劇》都係。前者之戰在於故事情節，後者更加係打正旗號放棄喺內地市場上映，務求創作上有更自由嘅發揮空間，將低俗進行到底。

別人笑呢套戲太瘋癲，我笑他人看不穿。低俗只係佢嘅外表，內涵所說的其實是一個電影監製的奇幻漂流，悲劇人物嘅辛酸。戲裏戲外都體現出面對逆境靈活變通嘅香港精神。

如果要用一個比喻黎形容呢套戲，我會話佢係臭豆腐。有人會覺得好討厭，嚏之以鼻難登大雅之堂，亦有人覺得好好食，係街頭特色小食之一。香港係美食天堂，美食當然係包羅萬有，希望精神食糧 —— 電影亦都一樣，繼續包羅萬有，百花齊放。

功夫，兩個字，be water，係咪咁話？

王家衛：「其實關於李小龍的電影、故事，很多人都已經拍過，我就想其實李小龍的師傅應該是什麼樣，是什麼人培養出李小龍這樣的人物？」

王家衛除了是一位導演，也是一位社會科學榮譽博士。以一個social scientist做一個qualitative research來說，十七年其實不算長。

電影《一代宗師》裏所展現的一代宗師並不是神，he is only human。

梁朝偉飾演的葉問早年就如其他富家子弟般，不愁衣食，閒時喜愛夜蒲，有人搵佢比武，打law...... 從容不迫。

顧家，對妻子有鐵漢柔情。當日軍侵華，佛山淪陷，沒有像燈叔他們寧死不屈拚死抗日做英雄烈士，但亦婉拒同流合污。

要不共富貴要不就一無所有，葉問：「窮下有咩所謂」，拿得起放得低，變賣家當，（包括習武之人很重視的木樁）。家人三餐不繼，亦肯放下尊嚴去討取飲宴的餸頭餸尾。女兒餓死，一代宗師亦並非流血不流淚......
如此困境，他都只是淡淡然地形容為冬天。

後來為生活到香港以教功夫為生，妻子過身後，便沒有再回佛山。「從此只有眼前路，沒有身後身。」並非無情不念舊，而是既然時間是線性(linear)向前發展，不能回頭，便順應變遷，落戶香港。「寧可一思進，莫在一思停。」

就是這樣，自幼拜師學功夫的他，「一條腰帶一口氣」，就是憑這口氣，貫徹他一生。這口氣(ideology)不就是李小龍所說的「Be water」嗎？

"Be formless... shapeless, like water. Now you put water into a cup, it becomes the cup. You pour water into a bottle; it becomes the bottle. You put water into a teapot; it becomes the teapot. Now water can flow, or creep or drip or crash! Be water, my friend…" Bruce Lee.

Be water，不是任由擺佈，而是適應力強。

梁朝偉所演的葉問有如行雲流水，揮灑自如。

也許生於亂世就是如此。

Andy Warhol 15 Minutes Eternal （安迪華荷 十五分鐘的永恆展覽）

睇完呢個展覽我覺得Andy Warhol可以話係美國戰後盛世嘅時代象徵。

二次大戰之後，美國工業迅速發展，強調mass production，機械化大量生產，低成本，高效率，standardization。福特汽車就係一個好例子。因為大量生產成本低而令大眾負擔得起去擁有汽車。

當時人人都消費幾乎一式一樣嘅產品，有個笑話就係嘲笑一個老公放工入錯左隔離屋都唔知，因為家家戶戶嘅格局都一樣咁滯。Andy Warhol嘅絲印藝術正正就係反映當時mass production呢種現象。

Andy Warhol：「The reason why I'm painting this way is that I want to be a machine.」絲印係一種可以重複製作嘅藝術，生產模式同產品相類似。所以唔怪之得佢個工作室名為「The Factory」。Standardization就係當時所認為嘅「美」。取材於普及嘅商品（如：金寶湯），令藝術感覺平易近人「Pop Art is for Everyone.」。而名人人像嘅絲印（如：Jackeline Kennedy）就反映當年mass media無處不在broadcasting嘅威力。

P.S. 喜歡場刊嘅顏色同埋閃字。

THE LITTLE BLACK JACKET

烈日當空，沿著荷里活道一直走，走到一個寫著「The Little Black Jacket」的門口，有一個戴黑手套的西裝男人為我開門，裏面陰涼的，灰灰黑黑的，仿佛與外面是兩個世界。黑長形reception desk點綴著一個裝滿白玫瑰的正方體玻璃花瓶。每個女職員都身穿小黑裙，腰帶正中有朵Chanel signature的白色山茶花，雙手套著黑色袖套，是一種精緻骨子的美。其中一位山茶花小姐走上前簡單跟我講解，展覽乃是Karl Lagerfield與Carine Roitfeld合作的攝影集，找來不同的人演繹Chanel Little Black Jacket。她講解時，我的視線已忍不住幾次游離到牆上的肖像上，而她亦不講太多，讓我自行參觀。

該肖像正是負責造型的Carine Roitfeld，而我拜見完旁邊的老佛爺肖像後，便沿著暗黑的樓梯拾級而上。上面環境更昏暗，牆上釘著各幅作品，男的女的，小孩的，不同身份國籍的，有型的，可愛的，高貴的，粗獷的......各有各精彩，仿佛各有不同的故事要訴說似的。人人消費著同一件商品是否等於單一化？同一件Little Blace Jacket (fact)，有不同的演繹(interpretation)，這就是Post-modernism。不過你亦可以說無論變化再多端，所有展示的alternatives都是歸於老佛爺的。

展覽的中央有兩棟高度及腰的海報，凡參觀人士均可獲得一套兩款的海報作記念。看著山茶花小姐緩緩地捲海報，箍上小黑橡筋(我稱為little black rubberband），入上膠袋......看得我入神。同捲好晒等你攞係有分別的。大品牌有大品牌的好，連細節都能做到一絲不苟。

thelittleblackjacket.chanel.com

Jean Paul Gaultier Diet Coke

呢系列嘅廣告好似好得意咁，睇深一層係彰顯男性支配主宰，女性物化為扯線公仔任人擺佈。

整輯廣告女性都是被動的，包括第一集被相機圍影，第二集被心理治療，第三集被偵探盤問。佢地被鏡頭以外嘅無形之手控制之餘，亦被「巨人」喪波形象大改造。

喪波擁有多重身份，記者又係佢，心理治療師又係佢，偵探又係佢，設計師又係佢，仿佛係無處不在支配一切。身形差距更凸顯出喪波就好似三個女仔嘅救世者咁，（第二集同第三集更為甚），喺佢地最徬徨無助嘅時候伸出援手。當中喪波為佢地寬衣解帶嘅情節，加上公仔欲拒還迎嘅掙扎、發出呻吟聲以及不時有躺卧戙高腳嘅姿勢，將女性塑造成sex object。第三集雷電交加，喪波手持利剪，剪斷外間聯絡，公仔被拖行，更令人有「出事」嘅聯想。

但事後各女事主都感激施暴者。

《春嬌與志明》香港文化悍衛戰

《志明與春嬌》純粹係本土文化嘅展現，身處其中會覺得taken for granted，而《春嬌與志明》面對住神州大地嘅衝擊，有差異更突顯本土文化。

今次《春嬌與志明》玩更多港式俚語，而最明顯嘅對比就係春嬌與尚優優，可以話係陀地VS北姑。

春嬌無標緻嘅面孔，無出眾嘅身材，講野掘雷鎚硬繃繃。相反做空姐嘅尚優優有樣有身材又溫柔嬌嗲，直情係男人夢寐以求嘅完美女神。但志明最後都係揀番春嬌，就好似佢鍾意食7-11意粉咁，唔算係好好食，但鍾意就係鍾意。好似比喻緊香港人對香港嘅感覺咁，成日覺得香港呢樣唔好果樣唔好，一齊相處有磨擦有不滿，但有感情有經歷。雖然問題仍未解決，但咪又繼續喺埋一齊law~

同樣，春嬌遇上阿Sam，張志明做唔到嘅佢通通做到，但最後春嬌都無投向佢懷抱。

春嬌：「我好努力去擺脫張志明，最後我發覺，我變左另外一個張志明。」

Let 張志明 be 香港。

有時我地想擺脫香港人嘅身份，但跟本擺脫唔到，已經internalize左。

當然，仲有另一個勝出嘅香港代表Brenda啦。