Jean Paul Gaultier Diet Coke

呢系列嘅廣告好似好得意咁，睇深一層係彰顯男性支配主宰，女性物化為扯線公仔任人擺佈。

整輯廣告女性都是被動的，包括第一集被相機圍影，第二集被心理治療，第三集被偵探盤問。佢地被鏡頭以外嘅無形之手控制之餘，亦被「巨人」喪波形象大改造。

喪波擁有多重身份，記者又係佢，心理治療師又係佢，偵探又係佢，設計師又係佢，仿佛係無處不在支配一切。身形差距更凸顯出喪波就好似三個女仔嘅救世者咁，（第二集同第三集更為甚），喺佢地最徬徨無助嘅時候伸出援手。當中喪波為佢地寬衣解帶嘅情節，加上公仔欲拒還迎嘅掙扎、發出呻吟聲以及不時有躺卧戙高腳嘅姿勢，將女性塑造成sex object。第三集雷電交加，喪波手持利剪，剪斷外間聯絡，公仔被拖行，更令人有「出事」嘅聯想。

但事後各女事主都感激施暴者。