《夜香・鴛鴦・深水埗 》

 《夜香・鴛鴦・深水埗 》呢其實我喺5月已經喺「香港藝術中心 x 香港獨立電影節」睇左，好明顯係因為套戲有王宗堯而去睇啦。

電影由4個獨立故事組成，淨係咁樣已經cult cult地。而王宗堯主演嘅故事《鴛鴦》，係關於一個外藉女教師以outsider 身分嚟到香港，初到學校任教，認識左同校老師王宗堯，王宗堯盡地主之誼由介紹學校到工餘時間介紹佢食盡香港地道小食，用鴛鴦比喻香港中西合璧嘅獨特性，再而引申到香港嘅社會運動。全程主要係英文對答，王宗堯講英文自然流利，與native speaker無異。有人話乜原來王宗堯英文咁好，其實唔洗驚訝，有了解佢profile就知佢中學讀英華書院，之後去英國留學，只係佢平時講野唔會中夾英扮竹昇姐。

因為有期望，所以失望。最唔鍾意《鴛鴦》個收尾響起《願榮光歸香港》，本來主角企喺海富中心對出嘅行人天橋望住車水馬龍嘅馬路，已經好有感覺同聯想，但偏偏要《榮光》畫公仔畫出腸，突兀又夾硬。

總括嚟講，每個故仔嘅題材都吸引嘅，例如《出城記》講一個有認知障礙嘅婆婆想出新界去中環參與一個建制同鄉會嘅活動，但印傭姐姐應承過Sir，如果帶婆婆出去就會被炒，最終佢巧妙地諗出兩存其美嘅詭計。但唔知係時間限制定資金限制，幾個故事總係elaborate得唔夠好，尤其每個故事title嘅字型十足power point咁low tech，就好似學生交功課嘅拍片質素，唔足以成為一套登大雅之堂嘅電影，所以如果打算入場要有呢個心理準備。