《瑪嘉烈與大衛系列﹣綠豆》‬：柯榮廚與大衛

第1集

第26集 

橙喺劇中出現過兩次，分別係第一集大衛與瑪嘉烈同居之前，同埋最後一集瑪嘉烈搬走之後。（同居嘅時候除左聽過瑪嘉烈榨橙汁之外就無出現過橙。）

獨居嘅大衛總係好鍾意擺一個橙喺廳，我覺得個橙好似喺度陪佢等瑪嘉烈咁。

同 Diamond 燒烤一幕，大衛提過想瑪嘉烈搵佢多過佢去搵瑪嘉烈。因為瑪嘉烈搵佢代表瑪嘉烈個心都有佢，而唔係得佢單方面思念。

第一集拍拖初期佢掛住瑪嘉烈，不過只係望住個窗等佢出現，而唔係主動搵佢。果時係等到嘅。

至於最尾果集，（導演喺事後fb live話綁喺橙上面嘅紙係寫住大衛想同瑪嘉烈講嘅說話。）我覺得就好似掟許願樹嘅橙，大衛將願望期盼綁喺橙上面。可惜而家係無了期等待，等到發霉都等唔到。

其實仍然知道瑪嘉烈喺邊度住，喺邊度返工，但大衛頂多只係用電話亭嘅電話打俾佢，㩒一下門鐘藉以抒發思念，而沒有進一步嘅行動。因為佢知道就算俾佢搵到瑪嘉烈，但瑪嘉烈唔想見佢，都係無意思。